نعناع فصيدلية
هادا واحد يوميا كيمشي عند مول الصيدلية او كيسولو واش عندو نعناع حتى لواحد النهار جاب مول الصيدلية خنشة ديال نعناع ميلي جا بحال ديما وسولو علا نعناع قاليه كاين قاليه مايتمشاش ليك هههههههه
مالني زگلتك
قاليك هادا واحد غادي بمطور بزربة او هي تبان ليه واحد لبنت خارجة من واحد لحانوت او هو يضربها بالمطور
لبنت : اييييييييييييي مكتشوفش
المكلخ : مالني زگلتك ههههههههه
خودي نتي عشرين بالمية
هادا واحد الولد جالس ف بلاكة الطوبيس كيكمي وحداه مرا شارفة
المرا عيات مسكينة من الدخان وقالت ليه: شوف أولدي، واش ف راسك نتا اللي كتكمي كتدي عشرين بالمية من النيكوتين وأنا اللي كنشم الدخان كندي تمانين بالمية؟
الولد بقى يشوف فيها، شوية وهو يمد ليها ڭارو وقال ليها: الحاجة، خودي نتي عشرين بالمية وعطيني أنا تمانين بالمية
زقرام بغى يموت
قال ليك هدا واحد الزقرام بغى يموت صافي كان فوق فراشو و ولادو كاملين مجموعين عليه شوية و هو يقول : ولدي محمد ولدي محمد جابو ولدو : نعم الواليد هانا حداك. و هو يقول مرة اخرى : ولدي جمال اولدي جمال. جاوبو ولدو جمال : نعم الواليد تا انا هاني حداك. عاوتاني قال : ولدي منعم ا ولدي منعم . جاوبو ولدو منعم : اش الواليد انا حداك. و هو يقول ليهم : نتوما كاملين هنا و مخليين الضو ديال الصالة شاعل