حريشات مقليين و معسلين مداق و منظر مختلفين ^_^

حريشات مقليين و معسلين مداق و منظر مختلفين ^_^


كنقدملكم حريشات مقليين و معسلين، فكرة بسيطة نتمنى تروقكم.
و أنا أكيدة إيلا جربتوهم غادي يعجبوكم بزااااااف.



على بركة الله نبدأ:

المقادير

700g سميدة الحرشة
2 معالق كبار زبدة مخلطين مع معالق 1/4 كاس عنبة زيت.
معلقة ملح + معلقة سكر.
خمارة الحلوى 15g
فاني
2 معالق.ك ماء الزهر
(ممكن بدل الفاني و ماء الزهر نسموها بعصير حامضة و قشورها محكوك، كتجي بنينة).
و نحتاجو مقدار من العسل باش نطفيو الحريشات فيه.



الطرريقة

ندوب خليط الزبدة و الزيت، و نبسـس به السميد.



من بعد نزيد المكونات الناشفة و نخلطهم مع بعضهم.

نضيف 2 معالق ماء الزهر


و نجمع بالماء، شوية بشوية حتى تتماسك.


نرش بالسميدة و نبسطها. (القليل من السميد لي احتفظنا به بعدما بسـسناها)


السُّمك ديالها متوسط.


نكونو موجدين زيت ساخن.


نبداو نقطعوها دوائر متوسطة.





و مباشرة لحمام الزيت الساااخن... (و نقابلوها بالتقلاب باش متشقق من الجهة لي تكون من الفوق)


نطفيوها فالعسل (لي دفيناه مسبقاً)





نخليوها تشرب مزيان و من بعد نديروها تستقطر.


نقدموها فكويغطات و ها هي النتيجة بفضل الله و توفيقه.





ممكن نزينوها برقائق اللوز أو أي فكرة تنسابها فالتقديم.


نتمنى الفكرة تعجبكم و تلقاو فيها لمسة جديدة.

و متنساونيش من صالح دعواتكن بظهر الغيب و لكن بالمثل و أكثر أخواتي.

حريشات مقليين معسلين مداق منظر


منقول للافادة