عصير يشبه الميلك شيك منعش ولذيذ ويبهر الضيوف

حبيباتي ليوم بغيت نوريكم طريقتي في تحضير عصير رائع بكل ما في الكلمة من معنى كيشبه الميلك شيك منعش ولذيذ وكيحمر لوجه قدام ضيوف . منطولش عليكم باش نحضرو العصير تاعنا نحتاجو ل


** لتر حليب

** 1 فلان فاني بدون سكر


** 1 ساشي فاني


** 1 دانون فاني


** سكر حسب الدوق



الطريقة

كناخدو نصف لتر حليب ونخلطوه مع الفلان و2 معالق سنيدة او 3 معالق حسب الرغبة ونحطوه فوق البوطة حتى يغلا مع تحراك المستمر ونديروه فشي زلافة وندخلوه يبرد مزيان في ثلاجة ولكن قبل خاصو يبرد خارج الثلاجة عاد ندخلوه باش منسوطيوهاش ههههه. ملي يبرد خرجيه وكبيه في مولينيكس وزيدي عليه دانون فاني وساشي فاني ونصف لتر حليب و3 معالق سنيدة أو 2 معالق وخلطي مزيان حتى يدوب لفلان وتمتعي بألذ عصير مداق لا يقاوم.

هاد لعصير كنديرو كل مرة بشكل وكل شكل مداقو رائع نخليكم مع الصور وشرح لكل نوع وش كندير معاه نبداو على بركة الله /



هنا لعصير الاول تاع فاني

القرعة فيها لفلون بارد مزيان ولحليب ودانون وساشي فاني وسنيدة لي طحنت معاه



هدا لعصير ثاني تاع لبانان

هنا كان عندي غير نصف لتر حليب قسمتو على 2 ربع درت معاه فلان بمداق لبانان و2 معالق سنيدة وغليتو وحطيتو يبرد ملي برد مزيان درتو في مولينيكس مع ربع لتر حليب لي بقا و دانون بانان و 2 معالق سنيدة وطحنتو جا واعر حتى هو



هنا لعصير ثالث تاع شوكولا ميم ميم

بحال لعصير الاول غير عوض فلان فاني ديري فلان شوكولا وعوض دانون فاني وساشي فاني ديري 2 معالق كبار بودوة كاكاو واعر بزاف