وفاء الصديق
Admin
عدد المساهمات : 17
تاريخ التسجيل : 12/02/2015
 | موضوع: صوبة بطريقة جديدة ولي جربها يحمااااق عليها  الأربعاء فبراير 18, 2015 4:16 am | |
| صوبة بطريقة جديدة ولي جربها يحمااااق عليها
السلام عليكم أخواااااتي كنتمنى الكل يكون بيخير وعلى خير
ليوم جبت وصفة راااائعة لي هي الصوبة بنييينة.... لمهم لي كنعرف انه اللي جربها كيوللي يحمااااااق عليها يللاه بلا منطول عليكم بسم الله بديت وعلى النبي صليت :
المقادير مع التفصيل:
غادي ناخدو واحد بصلة متوسطة ونشلضوها ونحطوها في الكوكوط نزيدو عليها جوج ماطيشات مقطعين بقشورهم وزريعتهوم ونزيدو معدنوس وقزبر+شوية من اللوبيا الخضراء +شوية كرافس +شوية مكور +واحد اللفتة مقطعة +واحد كرعة خضرة مقطعة +3خيزو مقطعين +جوج بطاطات مقطعين ونزيدو على هادشي طرف ديال الدجاج من السدر مامقطعش وملعقة كبيرة مطيشة ديال الحك وربع ملعقة صغيرة ابزار ونصف ملعقة صغيرة زنجبيل وملح حسب الذوق وزعفران وتحميرة وزيت بلدية ورومية ونضيفو الماء يكون كتير شوية باش منين نطحنوها تجينا جارية بحال الماء وها أنا غادي نقوليكم علاش
منين نسدو على الكوكوط ونخليو الخضرا تطيب فيها غادي نمشيو وناخدو السميدة ديال الحرشة ماشي البلبولة السميدة باش كنطيبو الحرشة وغادي نديروها فوق المقلاة تسخن باش توقف لينا شوية ونخايوها على جنب بين ما تطيب لينا الخضرة
فاش تطيب الخضرة غادي ناخدو داك الطريف ديال الدجاج ونحطوه على جنب ونجيبو مولينيكس ونطحنو فيها الخضرة ماشي نسحقوها ولكن نخليو فيها شي طريفات واخا مايكونوش مطحونين مزيان ونردوها للكوكوط ونشعلو عليها العافية ونخليوها تطبخ فاش تطبخ نضيفو عليها السميدة اللي شحرنا تدريجيا بالملعقة ونحركو مزيااااااااااااان باش متعجنشي لينا وتكون عينينا ميزانا حقاش السميدة ديال الحرشة كاتنفخ وغادي تجيكوم الصوبة تقيلة بزاف ايلا كترتوها المهم فاش تضيفو السميدة غادي تخليو الخليط جاري شوية باش تطيب لينا السميدة ديالنا وفي الاخير نضيفو ليها الدجاج اللي نكونو قطعناه طريفات صغار ونخليو الخليط حتى يطيب ويولي متجانس ونقدموها بالصحة والراحة على فكرة راه هي كاتقدم مع وجبات الغداء أو العشاء وكاتجي رائعة
كنتمنى تجربوها وتردو عليا الخبار
| |
|
