موضوع: كتطحني المطيشة كتجمديها؟؟؟؟ فيها الخدمة..... الأربعاء فبراير 18, 2015 3:58 am
السلام عليكم
بغيت نشارككم طريقتي في حفظ الطماطم بدون ما نطحنوها
فعلا مللي كيقرب شهر رمضان المبارك النساء كيبغيو يحتافظو بالمطيشة مطحونة باش يسهلو على نفسهم طياب الحريرة ولكن الحريرة الفعلية هي مللي كتبقي تطحني وتعاود تصفي وتعملي في البلاستيكات عاد مللي تبغي تستعمليها خاصك تنتظري حتى تطلق لان البلاستيك كيتكمش معها وما كتبغيش تزول بسرعة والحل؟؟؟؟؟؟؟ ساهل ماهل كيف نقولو ناخدو المطيشة نغسلوها نمسحوها ونعملوها صاينة ايه صاينة بقشرتها وها الفائدة لانها كتبق كل حبة وحدها ويمكن تستعملي غير القدر للي محتاجة عاد ممكن تخدمي بها حتى مللي تقللي المرقة تقطعيها طريفات ماشي بحال المطحونة ونخليكم مع الصور
وباش نوريكم كيف كتولي منين تجمد خرجت بلاستيكة فيها مطيشة مجمدة
مللي نخرجو القدر للي بغينا نعملو المطيشة في الماء بارد غير شي 2 او 3 دقايق ونوريكم كيف كتطير ليها القشرة - غير تجبديها تبعك هههه - رقيقة جدا
نتمنى نكون وصلت الفكرة وتعجبكم طريقتي ولا تنسوني من صالح دعائكم ومن تقييماتكم وتشجيعكم دمتن في رعاية الرحمن
الأربعاء فبراير 18, 2015 3:58 am
