كيكت الحلوة بالبطاطا الحلوة

السلام عليكم ورحمة الله




الكاس المستعمل = 175ml


3 بيضات

كاس سكر

كاس إلا ربع زيت

حبة بطاطا حلوة متوسطة مسلوقة ، مقشرة ومهروسة .

كيس سكر فاني

15g خميرة الحلوى

ربع ملعقة صغيرة قرفة

ملعقة أكل خل ( ماصورتهاش )

دقيق حسب الخليط





نخلط البيض مع السكر والفاني والخل مزيااااان حتى يخفاف الخليط ويتغير لونه ، نضيف الزيت ونخلط ، نضيف البطاطا والقرفة ونخلط مزيااان حتى تنسجم مع الخليط ، نضيف الدقيق شوية

بشوية مع الخلط المستمر، وأخيراً نضيف الخميرة .

نصب الخليط في المول مدهون بالزيت ومرشوش بالدقيق ، ندخله للفرن مسخن على درجة حرارة 180 ونخلي الكيكة طيب ، أنا خذات لي 25 دقيقة في الطياب ، والمدة كتختلف على

حسب نوعية الفرن .

مللي طيب نخرجها من الفرن ونخليها واحد 10 دقائق عاد نقلبها ونخليها حتى تبرد . تُزين حسب الرغبة ، أنا رشيتها غير بالسكر كلاصي .

صدقاً كتجي أكثر من راااائعة .

شهية طيبة .