كيكة معلكة بالليمونة مسلوقة

السلام عليكم لباس عليكم نتمنى تكونو في احسن الاحوال
هادي كيكة بليمونة طايبة من الارشيف ههههه تتجي معلكة وساهلة وخصوصا لي كيحماق على مذاق الليمون



بسم الله المقادير

2 بيضات
كاس عنبة زيت
كاس صغير الكوك (ممكن تحمريه)
ليمونة مسلوقة 2 مرات
1 خمارة
200غ سنيدة
200غ طحين
ليمونة معصرة للسقي
صوص الليمون : كاس عصير الليمون +سنيدة حسب الدوق +معلقة كريم باتسيير او نشا تحركي فوق العافية حتا يعقاد وتزيدي عليه دانون ديال الكوك حركي حتا يتجانس وخليه يبرد





تسلقي ليمونة وتحيدي ليها الما وتعاودي تسلقيها فما جديد
وتقطعيها وتحيدي ليها لعظام


طحني ليمونة مع السنيدة مزيان


وتزدي باقي المقادير

وتكبيه فشي اناء وتزيدي الطحين والخميرة


طيبيها بحال اي كيكة

غير تخرجيها من الفران كبي عليها عصير ليمونة

زوقيها بصوص ديال اليمون

و بالصحة و الراحة